محمد ممدوح تايسون يسرد تجربته في فيلم بنك الحظ مع أكرم حسني ومحمد ثروت

سرد محمد ممدوح تايسون في لقائه مع الإعلامية إسعاد يونس في برنامج “صاحبة السعادة “تجربته مع أكرم حسني ومحمد ثروت في فيلم بنك الحظ وقال “أنا عندي مشكلة في الفيلم ده أني مبعرفش أمثل مع أكرم وثروت من كتر ما بفطس من الضحك، يعني ثروت عشرة عمر من أيام المركز، وفيه فضايح كتيرة على المسرح، يعني لما يعمل حاجة أو يقول أي حاجة بضحك عليها، رغم أنه بيقولها كل يوم، وأكرم مرة كنا واقفين مع دكتور وبنتكلم جد بس خايف أبصله وهو باصص على الدكتور أضحك، هو معملش حاجة بس أنا عندي أزمة معاه، بضحك غصب عني، فلما جينا نعمل فيلم بنك الحظ مش عايز يخلص، يعني مشهد العربية أكرم قاعد ورا بيضحك، فأنا وثروت خايفين نضحك، فقصدنا نبصله بالجنب لأننا في أخر يوم والنهار هيروح وعايزين نخلص، وهو الكلمة منه بضحك، بس كانت من أحلى وأفضل التجارب اللي مرت بيها في مسيرتي الفنية“.