محمد رجب عن كريم عبد العزيز “ليه وقفات رجولة ومهمة أنا منسهاش أبدًا”

في لقاء مع النجم محمد رجب في برنامج حفلة 11 مع الإعلامية سمر يسري التي سألت عن أقرب الأصدقاء للنجم محمد رجب، وقال محمد رجب أن أقرب الأصدقاء له هو هاني سلامة وأحمد عز وكريم عبد العزيز، ثم ردت عليه الإعلامية سمر يسري وقالت “عرفت أنك بتلغي أي حاجة في الوقت اللي بتكون فيه مع أبنك في السعودية“، ثم رد النجم محمد رجب وقال “اه طبعًا ما عدا في مرة كريم عبد العزيز كلمني وقالي أنا عايزك في … ومن قبل ما يكمل قولتله أنا موافق، طبعًا كريم عبد العزيز صديقي وحبيبي ووقف معايا وقفات رجولة ومهمة وأنا منسهاش أبدًا، حتى أنا كنت بعمل حرامية في KG2 وكنت خايف ومتوتر جدًا لأنو محدش يعرفني، فا أنا مش عارف أحتك بالعالم ده، هما بيتجمعوا وبياكلوا مع بعض وأنا باخد جمب كدة لوحدي، فا جه كريم عبد العزيز في مرة وقالي عفكرة أنت شغلك كويس أوي وتبقى تعالي أقعد معانا فكان إنسان لطيف جدًا، وبعدها جينا في الباشا تلميذ وطلبني وكنا بنصور الفيلم في الحي العاشر، فا كان بيخلص المشاهد بتاعت الفيلم الباشا تلميذ قبلي بحوالي 4 ساعات مثلًا، وبعد ببدء أصور أنا وبخلص وبخرج وبلاقي مستنيني بعربيته عشان يروحني“.