تصريح النجم تامر حسني عن الدكتور مجدي يعقوب “أعظم رمز في العالم للنجاح”

أصدر النجم والمغني تامر حسني على صفحته الرسمية على موقع التواصل الاجتماعي فيس بوك منشورًا يمدح فيه الدكتور مجدي يعقوب لما وصل له من نجاحات وقال “للي ميعرفش أولًا وأنا طفل كان عندنا درس في العربي إسمه مجدي يعقوب، عشان كان أول طبيب في العالم يعمل عملية زرع قلب، وكانت تقريبًا سنة 1980م، يعني الراجل ده كان أسطورة كبيرة في عالم الطب من سنين كتيرة مش من دلوقتي بس، ثانيًا هذا الرجل الملاك وهب كل حياته لخدمة البشر، عارفين يعني إيه كل حياته لحظة بلحظة لخدمة البشر، ولخدمة عيالنا، وخدمات إنسانية كتير، لخدمة مجال الطب وكل دكاترة المستقبل، انهاردة دكتور مجدي يعقوب بيحقق كمان إعجاز طبي جديد من بعد مرور 45 سنة، من أول إنجاز يعني بصراحة الراجل ده أعظم رمز في العالم للنجاح، وفضل ينجح ويتحدى نفسه لحد ما حقق أكبر معجزة طبية مفيش ولا دكتور قدر يحققها في العالم إلا دكتورنا المصري العربي مجدي يعقوب، حاجة تشرف أوي، وحاجة عظيمة أوي، الراجل ده لازم يبقى فيه شوارع وميادين بإسمه، لازم يبقى ليه تمثال، لازم يتعمله أكبر تكرين إنساني في تاريخ مصر والعالم كله، كل الشرف والفخر بإنك مصري وعربي يا دكتور مجدي يعقوب“.