النجم محمد جمعة يمدح الفنان حمزة العيلي لمساعدته له

 في لقاء مع النجم محمد جمعة مع الإعلامي إبراهيم فايق في برنامج فايق ورايق مدح النجم محمد جمعة الفنان حمزة العيلي بسبب مساعدته له في أشد ظروفه وقال النجم محمد جمعة “أنا قعدت أنا ومراتي 5 سنين مانخلفش، وكان الحل إن إحنا نعمل الحقن المجهري، والكلام ده كان سنة 2015، وكانت حالتي المادية صعبة جدًا، والمشكلة إن مراتي كانت لازم تاخد كل يوم حقنتين عشان تقدر تثبت الحمل، وكان تمن الحقنتين في اليوم الواحد 250 جنيه، فا فضلت ادفع 250 جنيه لمدة 6 شهور، والحمدلله ربنا كان بيبعت بس جيت في يوم وفلوسي خلصت فجأة، ومفيش غير حقنة واحدة بس، وأنا مفيش ولا مليم في جيبي، وأنا من الناس عزيزة النفس اللي مبتعرفش تستلف من حد حتى لو كان الحد ده أمي أو أخواتي، ومش متخيل بقى اللحظة اللي كانت حاسس بيها وأنا شايف أبني بيضيع مني ومش قادر اتصرف واعمل حاجة، وفضلت أعيط جامد لأني عاجز عن توفير 250 جنيه تمن الحقن، فا مكنش فيه حل قدامي غير إني أتصل بصديق عزيز عليا اسمه “حمزة العيلي”، ومعرفش أي اللي خلاني اتصل بيه، ولما كلمته قولتله بصي يا حمزة الوضع 1 2 3 وأنا حرفيًا دلوقتي ممعيش ولا مليم في جيبي، راح جي مزعقلي وقالي أنت فين؟… قولتله أنا في المكان الفلاني قالي تعالالي دلوقتي حالًا، وفي اليوم ده حمزة أداني 1500، ولحد وقتنا ده كل لما أشوفه أقوله انت ليك في عمر ابني وليك في غلاوة عمر“.